Без перабольшвання можна сказаць, што на працягу апошніх двух-трох гадоў увесь раён жыве інтарэсамі гэтай будоўлі. І не толькі таму, што на ўзвядзенні комплексу па адкорму буйной рагатай жывёлы, разлічанаму на 10 тысяч галоў, у калгасе-камбінаце імя Дзяржынскага задзейнічаны многія нашы будаўнічыя арганізацыі. "Наша будоўля” – часта можна пачуць у працоўных калектывах прамысловых прадпрыемстваў, арганізацый, устаноў, калі размова так ці інакш датычыцца комплексу. І не без падстаў. Працоўныя калектывы горада аказалі і аказваюць дзейсную дапамогу будаўнікам, мантажнікам. Цяпер , калі паўнаўладнымі гаспадарамі тут сталі жывёлаводы – аператары, заатэхнікі, ветэрынары, прадстаўнікі іншых спецыяльнасцей, нас не можа не цікаыіць, у чыё распараджэнне трапіла гэтая буйная фабрыка ялавічыны, як ідуць тут справы? З гэтымі пытаннямі я звярнулася да акратара парткома колгаса-камбіната А. С. Пацеюка.